ਆਸਾਂ ਦੀਆਂ ਕੰਧਾਂ ਉੱਤੇ ਮੈਂ,
ਇੱਕ ਮਹਿਲ ਉਸਾਰਿਆ ਖਾਬਾਂ ਦਾ,
ਕੋਈ ਕੀ ਜਾਣੇ ਕੋਈ ਕੀ ਸਮਝੇ ,
ਅਹਿਸਾਸ ਮੇਰੇ ਜਜ਼ਬਾਤਾਂ ਦਾ ,
ਜੋ ਤਾਰਿਆਂ ਹੇਠ ਗੁਜ਼ਾਰੀਆਂ ਮੈਂ ,
ਓਹਨਾਂ ਚੰਨ ਚਾਨਣੀਆਂ ਰਾਤਾਂ ਦਾ ,
ਓਹਨਾਂ ਜੇਠ ਹਾੜ ਦੀਆਂ ਧੁੱਪਾਂ ਦਾ ,
ਓਹਨਾਂ ਸਉਣ ਦੀਆਂ ਬਰਸਾਤਾਂ ਦਾ ,
ਓਹਨਾਂ ਪੋਹ ਮਾਘ ਦੇ ਪਾਲਿਅਾਂ ਦਾ ,
ਓਹਨਾਂ ਪੱਤਝੜ ਜਿਹੇ ਹਾਲਾਤਾਂ ਦਾ ,
ਹਰ ਮੌਸਮ ਦੇ ਵਿੱਚ ਮਾਣੀਆਂ ਜੋ ,
ਮਹਿਬੂਬ ਨਾ ਪਾਈਆਂ ਬਾਤਾਂ ਦਾ ,
ਕੋਈ ਕੀ ਜਾਣੇ ਕੋਈ ਕੀ ਸਮਝੇ,
ਅਹਿਸਾਸ ਮੇਰੇ ਜਜ਼ਬਾਤਾਂ ਦਾ,
ਅਹਿਸਾਸ ਮੇਰੇ ਜਜ਼ਬਾਤਾਂ ਦਾ..
......ਅਮੋਲਕ ਨਿਮਾਣਾ......
No comments:
Post a Comment